ياللي على الاجواد سيفك تسله
كلمات قصيدة ياللي على الاجواد سيفك تسله مكتوبة كاملة شعر شلة الأحقاد
ياللي على الاجواد سيفك تسله
دور على مثلك يحب المصالح
افكار عوجا في قصايد ممله
قل الحيا تلقاه في وجه كالح
مالك ومال الشر والهرج خله
الاجواد ياخي مالهم فيك صالح
ياشلة الأحقاد ياشر شله
واللي يخاويكم فلا هوب فالح
والحاسد اللي مات من زود غله
والله ماهو كفو لأهل المشالح
وترى الردى والشر ماهيب مله
والله فرّق مابين صالح وطالح
طبايع أهل الخير فيهم جبله
طبايع أهل السوء حسب المصالح