كلمات شيلة يا حي – فلاح المسردي
كلمات شيلة ياحي مكتوبة – كلمات يا حي شوف الليل ماجاله نهار كلمات الشيلة من كلمات : فيصل عسكر المهلكي – أداء : فلاح المسردي
كلمات شيلة يا حي – فلاح المسردي
كلمات الشيلة /
الدار عقبك يالغضي ماهي بدار
مستاحشه ماكن حيٍ سكنها
البارحة دمعي على الخد مدرار
والعين من دمعي تحرق جفنها
من سبة اللي غاب من دون تذكار
يالايم الذكرى ومن هو سجنها
دنياك تفنى والمخاليق زوار
يومين والثالث رواحيل عنها
يا اغلا غلا واغلا كريمات الاحجار
ياطفلةٍ نامت وقلبي حضنها
يامهرةٍ شقرا ومن جود الامهار
الخيل ماتعسف بليا رسنها
عزفت جرحي بين نغمات الاوتار
والقلب صوت في خفايا لحنها
صوت الجريح اللي وطا صالي النار
صوت الغريب ونفس ترجي وطنها
ياحي شوف الليل ماجاله نهار
حتى القمر في ليلتي غاب عنها
لاصارت حبال المواثيق قصار
ماوردتك حبال طالت ضعنها
وان كنت تسمع هرج عاذل وعيار
هذاك يغويبك وهذا عجنها
اصبحت في مركب لياليك بحار
في مركب الاحلام غرد شجنها
انحزت للمبعد على صادق الجار
والنفس جاها شخص غيري شطنها
يا حي طبع الوقت لوزان دوار
حكم ضميرك زين والنفس زنها
احسب حساب الوقت لاجار لاجار
ماترجع الايام سالف زمنها
الوقت مثل السيف والسيف بتار
والله خلق خلقه ويامر وينها
انا احتريتك واثره الوقت جبار
نسى الرضيع امه ولذة لبنها
يا حي يامن غبت عود على الدار
ماستانست من يوم ماغبت عنها