كلمات أغنية في دربكم | راشد الماجد
كلمات أغنية في دربكم | راشد الماجد،في دربكم يا راحلين مناكيف، غناء راشد الماجد
في دربكم يا راحلين مناكيف
تالي ليالي القيظ وأول خريفه
ردوا سلام أهل القلوب المواليف
على الوليف اللي نشد عن وليفه
ردوه لعذوق النخيل المهانيف
وعلى القصور اللي بوادي حنيفة
دار لها بالقلب عشق وتكاليف
يا عل عين ما هوتها كفيفه
طبنا وشبنا وأتعبتنا المشاريف
والمرقب العالي هبوبه عنيفه
يا واردين العد كفوا المغاريف
اللي بقى دمع هماج ذريفه
والله لو دمعي يغيث الملاهيف
قطعت عرقي لين يصفى نزيفه
ياحظ من لاعرف منهو ولا شيف
إن طاب يحمد وإن تردى بكيفه
حنا ورثنا المجد عظم وغضاريف
لا ما ورثنا المجد تاج وقطيفه