كلمات وشلون اعوض هاك الارواح بارواح
كلمات شيلة وشلون اعوض هاك الارواح بارواح الكلمات مكتوبة كاملة , شيلة لا لا تعاتبني على الحزن يا صاح كتابة كلماتها , كلمات: خالد الوقيت – اداء: نايف راضي – الحان: سعد محسن
كلمات شيلة لالا تعاتبني على الحزن ياصاح
https://www.youtube.com/watch?v=bwMJyQReScs
كلمات الشيلة :
لا لا تعاتبني على الحزن يا صاح
مدام مالك بالتباريح خبره
مايستوي قلبٍ من الشوق مرتاح
وقلبٍ خذته طيوف الاوجاع صبره
لو ترجع الدنيا من العمر ما راح
يمكن خذيت من التجاريب عبره
لكن قدر ربي كما السيل لا اجتاح
ما للبنادم عن فواجعه دبره
وكان انت تبغى لقفل الاحزان مفتاح
كسرٍ شكاه القلب ياصعب جبره
فرقى الاحبه كنها طعنة رماح
جرحٍ يصغر كل جرحٍ بكبره
كم راحل سدي على مرقده باح
لا ساقني وجدي الى حد قبره
راحوا وطاريهم للاحساس ذباح
ينزف قلم ذكراي ويسيح حبره
ضايق واجاوب نايح الورق لاناح
واعوم في بحر الهواجس واعبره
وشلون اعوض هاك الارواح بارواح
وما كل نبرة صوت تشبه لنبره
من فقدهم شفني على مرقب اجراح
بالقلب تنهيده وبالعين عبره
اخيل برق الصبر واسبره لا لاح
ولا طاب لي عيشي ولا فاد سبره
كني وانا ادور بعدهم عن افراح
بالعمر ادور وسط قشً عن ابره
احيان ارحم دمع عيني اذا طاح
واحيان الوم القلب في قل صبره
