كلمات قصيدة يا مدور الهين | خالد الفيصل

كلمات قصيدة يا مدور الهين | خالد الفيصل ، يا مدور الهين ترى الكايد أحلى ،  الشاعر خالد الفيصل

%d9%83%d9%84%d9%85%d8%a7%d8%aa-%d9%82%d8%b5%d9%8a%d8%af%d8%a9-%d9%8a%d8%a7-%d9%85%d8%af%d9%88%d8%b1-%d8%a7%d9%84%d9%87%d9%8a%d9%86-%d8%ae%d8%a7%d9%84%d8%af-%d8%a7%d9%84%d9%81%d9%8a%d8%b5%d9%84
 

يا مدور الهين ترى الكايد أحلى

أسأل مغنِّي كايدات الطروقِ

الزّين غالي لكن الأزين أغلى

ولكل شرّاي بضاعة وسوقِ

النّور عالي والسما فوقه أعلى

اللي فاق علمٍ جاه علمٍ يفوقِ

الصّعب هلّى قلت يا صعب سهلا

دامك تبيني فانت يا صعب شوقي

أحب أعسف المهرة الّلي تغلّى

وأحب أروض كل طرفٍ يموقِ

وأحب أسافر مع سحابٍ تعلَّى

وأحب فوق الغيم لمع البروقِ

وأحب أساهر بدري الّلي تجلّى

وأرسم شعاع الشمس عند الشروقِ

يا من على ثاير فوادي تولّى

خلّك على قلب الكرامة شفوقِ

أكرم عزيزٍ بالعمر ما استذلاّ

يسوق عمره للمشاريف سوقِ

اخترتك من الناس للقلب خلاّ

يا حيثك مرادي وكيفي وذوقي

ما رحت أدوّر كل زولٍ تحلّى

لولاك تسوى ما عطيتك خفوقي
قد يعجبك ايضا