كلمات قصيدة ولدي | ثامر شبيب
كلمات قصيدة ولدي | ثامر شبيب ، لا ملامه لا تشره لا عتاب ، ثامر شبيب
- لا ملامه لا تشره لا عتاب *** ما غدى لك شي مفروض يغدي
- لا تحاسبني على اسباب الغياب *** في يدك ماصار ماكان بيدي
- لو رجعنا وابتدينا بالحساب *** منتهي وياك من قبل ابتدي
- كنت اشوفك غير لين القلب ذاب *** في هواك وصار ماهو بجسدي
- وقتها لو لي ولد عمره شباب *** يمكن أحبك كثر حب ولدي
- لكن اللي غاب .. يوم النور غاب *** شي يحداني عن ايدينك حدي
- تذكر اللي صار يا مال الذهاب *** ليلة ماجيت وامسيت اوحدي
- لا تغرك بسمتي وزين الثياب *** داخلي ضايق من الوقت الردي
- السؤال اللي بقى ماله جواب *** يا كثر مامر على الجرح الندي
- يا معودني على طرد السراب *** وشتبي فيني إليا ضاع جهدي ؟
- صرت انا وياك نشبه للسحاب *** لا تجمعنا تساقطنا بردي
- السحاب اليا تساقط بالأهضاب *** يحيي القاع الحزين الجرهدي
- بس حنا .. لا تساقطنا عذاب *** نكسر القلب الكبير الاجودي
