كلمات قصيدة علم النفس | سعد علوش

كلمات قصيدة علم النفس | سعد علوش ، في فن علم النفس وانماط الحياه ، سعد علوش 

%d9%83%d9%84%d9%85%d8%a7%d8%aa-%d9%82%d8%b5%d9%8a%d8%af%d8%a9-%d8%b9%d9%84%d9%85-%d8%a7%d9%84%d9%86%d9%81%d8%b3-%d8%b3%d8%b9%d8%af-%d8%b9%d9%84%d9%88%d8%b4
 

 

في فن علم النفس وانماط الحياه
مصيبتك طلّع وراها فايده
لاينتثر فكرك على كذا اتجاه
الخصخصه فن العقول الرايده
وان ساد من حولك شعور الاشتباه
خذ لشعورك منطقه محايده
الثقه سقف العقل والناقص ذكاه
من حسسك بأن فيه حاجه زايده
والابداع ماهو لعب شد الانتباه
على حساب الغاء فكره سايده
والضيق ضيق الافق واكظام الشفاه
وفهم الحياه على انها مزايده
افضل وسيله للسعاده والنجاه
سهله على الراغب ولا هي كايده
توحد الله صدق وتقيم الصلاه
وجعل الفواحش عن حدودك نايده
وتكف يدك وتحمد الله على الغناه
وتخشّر هنودك معك في المايده
ولاتخاوي لاشيوخ ولا رعاه
خاو اصدقا تفكيرك وفرايده
والشيخ من تواضعه يسبق عطاه
يتعودون الناس من عوايده
والحب ذروة كل شي ومنتهاه
ومحلا من وضوحه سوى مكايده
يبكي الرجال ويبحّث خفاه
ويعلمه شرح الحظوظ البايده
واللي يحب احد(ن) ماهوب في مستواه
يبطي وعينه بالمدامع جايده
ياوجد حال الشاعر ويا امه واباه
وجود من هاوش لأخوه وصايده
اللي اتمنى اعيش واتوفى معاه
حتى فعيده ماقدرت اعايده
الحزن طاقه للدعاة وللطغاه
وانا طلعت من الجروح بفايده
ان لم تزد شيئا ًعلى هذه الحياه
فتأكد انك انت حاجه زايده

قد يعجبك ايضا