كلمات قصيدة الذود يا هذال | خلف بن هذال العتيبي
كلمات قصيدة الذود يا هذال | خلف بن هذال العتيبي ، هذال يرعى بالإبل يا ضنينه ، خلف بن هذال العتيبي
هذال يرعى بالإبل يا ضنينه
يرجى وصاتك يا وفى المقاله
الذود ياهذال يصخم حنينه
ما بين شبك وبين قصر وجماله
الفاطر العوجا عليها غبينه
إن رجعن للحوش جبن ونذاله
وأم الحوير عندي اليوم شينه
رد الحوار وفك عنها الشماله
ابلك يا بوهذال زايد حنينه
ويابس الصحرا أبد ما حلاله
ان عاش راسي يالحيا تاصلينه
وتبد لين السر قفر بداله
يا زين شوف العشب الأخضر يازينه
قبل شهر شعبان ينقز هلاله
أبي أربي ابل والحل برحال
علم صغير جاهل بالبراري
اجمع من البل عشر تصير وبال
واخبر فحلها مع جنبها يباري
البل لها في مهجة القلب منزال
منايح القصار سفن الصحاري
بشتري ناقتك مير نزلها المزاد
إن تبي فيا ذهب وفلوس خذ مردوفها
ناقتي ما تدخل السوق لو زاد المزاد
لو هل الربطات جتني تشيل ألوفها
لو يصبون الذهب صب وامهار تقاد
ما ارخص البل واختيار النفوس اشفوفها