كلمات قصيدة أهل هلا نعمٍ بكم يالهمازين | أبراهيم الرديعان

يا سامع الدعوه و صوت الملبين , كلمات قصيدة أهل هلا نعمٍ بكم يالهمازين مكتوبة , الكلمات لقصيدة  أهل هلا نعمٍ بكم يالهمازين , كلمات قصيدة أهل هلا نعمٍ بكم يالهمازين مكتوبة كاملة

كلمات قصيدة أهل هلا نعمٍ بكم يالهمازين

%d9%83%d9%84%d9%85%d8%a7%d8%aa-%d9%82%d8%b5%d9%8a%d8%af%d8%a9-%d8%a3%d9%87%d9%84-%d9%87%d9%84%d8%a7-%d9%86%d8%b9%d9%85%d9%8d-%d8%a8%d9%83%d9%85-%d9%8a%d8%a7%d9%84%d9%87%d9%85%d8%a7%d8%b2%d9%8a%d9%86

يا سامع الدعوه و صوت الملبين

منك المدد لا فرّغن اليديني

أرجوك تقبل دعوتي للهمازين

للحي عزّ و عفو للميتيني

أهل هلا نعمٍ بكم يالهمازين

أنتم هله من ماضيات السنيني

رجاّلكم يهلّي و لو ما معه شين

غيث الضعيف و فزعة المرتجيني

ورثٍ لكم فعل الجدود القديمين

أمانةٍ تبقى مع الحاضريني

خشّارةٍ للجار بالموسم الشين

منيحةٍ للجار دايم سميني

للضيف و الجيران دايم جديدين

سمعت شيء و شي شفته بعيني

و عندي على قولي شهود و براهين

و اللي جهل يسئل به الخابريني

شهودي هلي من مات منهم و حيين

و جميع اهل رمان به شاهديني

و طريق سراء اكبر دليل يهقوين

اقول ما تسمع و عندي يقيني

ما ينجحد شي به الناس دارين

البدو و اللي بالبلد ساكنيني

و دفع الديه يبقى خيار البراهين

يفخر به الحيين و الميتيني

تاجٍ مرصّع فوق روس الهمازين

ذكره يدوم لمقبلات السنيني

رد الثناء واجب و لا ابي عنه شين

معروفكم مبطي على والديني

علي لكم دينٍ و هذا وفاء الدين

و أبي اختصر قولي بهالكلمتيني

قد يعجبك ايضا