كلمات شيلة ما تعمدت – شبل الدواسر

كلمات شيلة ما تعمدت أداء: شبل الدواسر – كلمات :خالد الوليدي – ألحان :يوسف الشهري

كلمات ماتعمدت

 

والله اني ما تعمدت اكسر بقلبك دقيقه
وانك اكثر من ملَك في داخلي حب وكرامه

ياعيوني والدمع لازادت اشواقي تريقه
والله انه ما تهنا راعي النوم بمنامه

كل يوم يمر نسمه تفهق الصدر وشهيقه
زفرةٍ يزفر بها من لا لحق صدره ملامه

انتفضت ببرد شوق وليت ما روحي غريقه
انقتلت بحضرة الفرقا وبسهوم الندامه

ادري ان الحب يحرق وادري اني من حريقه
اي ورب البيت احس انه غدا قلبي حطامه

ما نويت احب غيري لاجل ما اوقف طريقه
واثرني قبل اقطع المشوار وقّفت بكلامه

احترقت ولا بريت ونمت في كفٍ رقيقه
واحتملت وجيت فرحه ما وراها الا ابتسامه

كنت اظن اني دواء واني هواء واني حقيقه
واني من الطب روحٍ عانقت راس السلامه

قد ضحكت بدون نفس وقد بكيت بكل ضيقه
وقد سقيت فوادي من دموع ما ضامك وضامه

قد حفظت اجمل كلام وقد عرفت اسهل طريقه
كيف احبه وين اشوفه ليه حزنه وش نظامه

وكيف اغيب ان صارت طعوني من الداخل عميقه
وكيف اعيش شهور ما سولف ولا احرر غرامه

وكيف اصير انسان يضحك واكثر دموعه طليقه
وكيف اموت بحر شمس الهم ما ادور غمامه

ان كتبت اكتب شعورٍ ما شكت منه الخليقه
وان سكت اسكت غيابٍ ما نقص جل احترامه

ادري ان الحب بلوى من لقاه فلا يطيقه
ما ذبح مجنون ليلى غير حبه واهتمامه

ياعيوني ما يموت الشوق في عين تريقه
دام به نبضٍ غدا قلبي عرينٍ له وهامه

والله اني ما تعمّدت اكسر بقلبك دقيقه
وانك اكثر من ملَك في داخلي حب وكرامه

.

شيلة ما تعمدت

شبل الدواسر – ماتعمدت

Shbel Aldwaser | Matamaadet Lyrics