كلمات شيلة فعل ماضي مكتوبة, كلمات تعال شفني في الحياة متضايق كلمات : فيصل بن راجس – أداء : فلاح المسردي

جديد شيلات فلاح المسردي فعل ماضي نقدم لكم كلماتها مكتوبة كاملة على موقع كلمات

كلمات شيلة فعل ماضي

تعال شفني في الحياه متضايق

وضاقت علي حتى الفجوج العراضي

تعال عطني من حياتك دقايق

وخل السنين الماضيه فعل ماضي

تعال جاملني ولو مانت رايق

يمكن تحس بلهفتي وافتراضي

افز لامن ساق طاريك سايق

واسرح مع الهاجوس عقب انتهاضي

في عينك اشوف الفرح والحقايق

في دمعك اشوف الحزن والتغاضي

طبع الزعل فيك انت ماهوب لايق

مرضيك ياعمري عساك انت راضي

دمعي ودمعك في العيون يتوايق

لحظة وداع احساس والحق قاضي

الشوق له في وسط صدري طرايق

واقول ياليته من الحب فاضي

خليت في صدري جروح وحرايق

وبيتٍ هجرته صار عقبك نقاضي

مع رحلتك سجيت والصدر ضايق

وامر القدر فينا مافيه اعتراضي

الكون والدنيا وكل الخلايق

في حكمة الي حط سبع الاراضي