كلمات عاشقش شيب مكتوبة كاملة , كلمات يا وجود اللي غدا قلبه رهينه كلمات : علي بن جارالله بن جوخه / أداء : وليد بن دبسه
كلمات شيلة عاشقش شيب
يا وجود اللي غدا قلبه رهينه
كل ما هبّت نسانيس الهبيّب
ويتحمل قلبي الله لا يهينه
واعرف ان قلب الهواوي ما يخيّب
وان بديت اعيش باجواء السكينه
تزدحم الافكار في بالي وأغيب
و اتذكر ماضي الحب و سنينه
ساعتن لي جيت ابا الوصل اتهيّب
خايفٍ لي لامست كفي يدينه
ثم تفارقنا و اعوّد من قريّب
و ارجع اشكي للقلم بيني وبينه
واحفظ اللي كاتبه وسط الكتيّب
ثم اغني اربع ابياتٍ سجينه
داخل فوادي على وصل الحبيّب
ذكريات الوقت و واشيائي الثمينه
عاشقش شيّب و هجس الشعر شيّب
لجل عينش تكرم قصور المدينه
والصعيب يلين والقاصي قريّب
اسألي قلبي عن الود و حنينه
المشاعر بكر والتفكير ثيّب
وان نشدتي حالتي ماهيب زينه
قلت لش طيّب ولو مانيب طيّب