كلمات شيلة طراة الولايف مكتوبة من أداء المنشدين : علي الواهبي و متعب الفهادي , كلمات الشيلة كاملة “طراة الولايف”

كلمات طراة الولايف

كلمات الشيلة :

حنيني حنين اللي من أم الوهط سرى
تعرض خطوطٍ بانيٍ فوقها الذاري

وقف ما يجر الويل قدمٍ ولا ورى
عليه الحموله زايده والولد ناري

عنيدٍ على تنزيلة الصاج ما ضرى
يقول اجبره والعايدي يطلع اجباري

وغدى له ونين ودركل السوم وانفرى
وراح أجبع الغليون مع شقته ساري

ألاحي حلال القوم باللي علي جرى
وقدني على لوعات جرح الهوى ضاري

علق بي صوابٍ لا ذبحني ولا برى
من الجادل اللي صار عوقي وهو داري

مراحي من اجله واتقى ورى الذرى
يبي ما يجي للشك عند العرب طاري

ترى الراي ياعين اشقر الريش ماترى
معا زين سنك واثقٍ فيك بالباري

طراة الولايف دام محدٍ بهم درى
ولا يطلع بالأمر عميٍ ولا قاري

إلا من درى به من درى ردوا البرى
زحولٍ حزابتهم بلاجيك وسواري

غدوا وأبعدوا بعد الثّريا عن الثرى
عفت الأرض عنهم لا عيونٍ ولا اثاري

تصبر ولاحى اللي من أم الوهط سرى
تبين الإشاره والخساره على الساري

شيلة : طراة الولايف
كلمات : عيدان بن راجس
أداء : متعب الفهادي و علي الواهبي

الإستماع للشيله /

https://www.youtube.com/watch?v=jphc4zTm2sk

كلمات شيلة طراة الولايف