كلمات شيلة السنين اقسى مكتوبة كاملة, كلمات ‏السنين اقسى من الرمح والسيف الوريع كلمات الشاعر : مهدي بن حسين بن عنجر ال عوض أداء المنشدين : يوسف ال عوض و صقر ال عوض

كلمات شيلة السنين اقسى

السنين أقسى من الرمح والسيف الوريع

‏والليالي السود من منعرج في منعرج ‏

و الظروف القاسيه تبحث السر المنيع ‏

والصبر رجم يشرف علي وادي الفرج ‏

المواقف والجمل سوق سوم وسوق بيع

‏تخبرك عن قيمة اللي دخل واللي خرج ‏

ويلتقي زيف التفاخر بمرقا كل ريع ‏

ساعةٍ ماتحتمل ما على الاعرج حرج

الجمايل بين الاجواد سلمها رفيع

‏حسب حاجتها المراتب تجي درج درج ‏

وَيل ابو نفسٍ عزيزه لا جا كفّه ربيع ‏

ينحرج لا طلب حاجه ولا احتاج انحرج ‏

نتعب لكسب الزمن والزمن عيا يطيع ‏

الله اللي بيده الصبر وبيده البرج ‏

ونعطي الحاجه لما طلبت ببالن وسيع ‏

اسمنا ضمن الأسامي الكبيرة يندرج

‏نستحي من شرهة الناس ب آمالن تضيع

‏ولا لقينا من حيانا من الناس مخرج ‏

الكلام اثنين مابين مرفوع ووضيع ‏

كل راعي قول يحتمل أمانة ماهرج ‏

كم ويا كم كلمتن شانها شانٍ رفيع ‏

وكم مقالن يجعل الرجل في موقف حرج