كلمات الراس صامل | فهد العمري
كلمات الراس صامل | فهد العمري ، كلمات اغنية بين الرياح الهادية والشديدة هلت هماليل السحايب والامزان
بين الرياح الهادية والشديدة
هلت هماليل السحايب والامزان
والبرق يبرق مثل نارٍ وقيدة
والورق قام ينوح في روس الاغصان
وافكار هاجوسي تراود وريدة
على النقا والحب والحب سلطان
والبال رايق والمشاعر سعيدة
والشعر والشاعر سحينٍ وسجان
اطلقت من سجن التفاكير قيده
اطلاق شيهانٍ على الصيد شفقان
واللي مهيضني لبدع القصيده
قصيدة سعود السعد طير حوران
قصيدةٍ فيها علومٍ وكيده
ماقلها الا يوم للقول برهان
والراس صامل والهقاوي بعيده
والقاف بالمرجان واللؤل مليان
وباخش في الموضوع ياسعود سيده
من غير زودٍ وفي الحقيقة ونقصان