كلمات شيلة شريط الذكريات مكتوبه , شريط الذكريات ومفردات الشعر والتعبير – يجمعها على قلب المعنى زود غرباله , قصيدة شريط الذكريات كلمات محمد بن عفيفه الشيلة اداء صالح ال مانعه

 

كلمات شريط الذكريات

 

شريط الذكريات ومفردات الشعر والتعبير

يجمعها على قلب المعنى زود غرباله

على ذكر القصيد وروعة الابداع والتصوير

انا شاعر على جاه الشعر ماشرب فنجاله

اقدر حاملين المسك واردع نافخين الكير

يا شباب الضوي رد البرا للخيل خياله

اعدي فوق مزموم ٍ تلاعبه الغيوم عصير

تحت سفحه حمامه والنسيم يداعب ظلاله

والى حولت منه والهجوس يحده التفكير

امر البحر ثابت والبحر معروف باهواله

على الغير الله اللي حطني فعيون خلقه غير

واقول الحمدالله واشكره واعدد افضاله

انا مارحت ادور للعلوم الواضحه تفسير

ولا لقيت بالي لواحدٍ ما اطري على باله

ابرر موقفي والناس ماهي تقبل التبرير

لاكن عذر الكريم يقدرون الناس منزاله

علاقات البشر تالي الزمان تميل للتغيير

وانا اقول القلوب الصافيه ماهي بمياله

لاكن ما اخلف ضنوني وابتلاني وابتليته غير

حديث المقفي اللي وده يقوله ولا قاله

عسى الله يذكر ايامٍ مضت من عمرنا بالخير

قبل لاندري إن الوقت مايبقى على حاله

تجمعنا على وضح النقا والعز والتقدير

وفرقنا الزمان وكل حيٍ راح في فاله

وما دام النوايا ما حصل من صوبها تقصير

على الله كل حيٍ مات حلمه ترجع آماله

وداعتك السلام وخالص اشواق الغلا ياطير

مع لحنٍ من الحان العتاب يجر مواله