اذا طار السمج بسماي

واذا نام الصكر بالمأي

بعدها عود أنا يأهواي

افكر يمكن ارجعلك

اذا مطرت ترة بتموز

واذا النخلة تخضر موز

واذا التينة تذبلك لوز

افكر يمكن ارجعلك

بعد لا فن الولي لك

واصفك لك واغني لك

على غيري تشد حيلك ؟

تحلم عيني تدمع لك

اذا رايد الك ارجع

شوفني الحجر يدمع

بعدها يمكن انا اقنع

وانسى الي جرى والصار

اذا رايدني احبك حيل

شوفني الشمس بليل

بعدها انسى انا الويل

وافكر يمكن ارجعلك

دصحى وكافي لاتحلم

ارد ردود بيك اهتم

لو تبجي عليه دم

يا دمعة الي تشفع لك ؟

اذا العمى يدلي الناس

واذا الشجره تحب الفاس

بعدها يصير عندي احساس

وافكر يمكن ارجعلك !!

اذا شمعة طفت الدموع

واذا الحظه تصير اسبوع

بعدها انهي الموضوع

وافكر يمكن ارجعلك !!

اذا الغربه تريح العين

واذا الواحد يصير الفين

ياقاسي عود انا بعدين

فكر يمكن ارجعلك