العباة الرهيفه فوق ذيك الردايف
خلت القلب يرجف غصب ماهو بكيفه

من ردى الحظ قلبي طول الايام خايف
خايفٍ والليالي ما تجي له بكيفه

ما تجي له بكيفه مثل ما كان شايف
غيب الايام جاله بالحياه الكسيفه

الحياه الكسيفه والعنا والكلايف
عقب عزه تعرقل بالظروف الكليفه

الظروف الكليفه والدموع الذرايف
والسهروالترجي بعد فرقا وليفه

بعد فرقا وليفه مالقا له ولايف
غيّم الجو واظلم بالهموم العنيفه

الهموم العنيفه بالضلوع النحايف
خلّت القلب يرجف بالضلوع النحيفه

بالظلوع النحيفه عقب يأس وحسايف
وش تفيدالحسايف والقدر حط سيفه

القدر حطسيفه دون زين الوصايف
حال من دون شوفه ما بقى غيرطيفه

ما بقى غير طيفه داخل القلب طايف
طيف زين الوصايف والخدود النظيفه

الخدود النظيفه والثمان الرهايف
يوم جيته وجاني بالعباة الرهيفه

العباةالرهيفه فوق ذيك الردايف
وا عنا قلبي اللي ما اهتنى في مصيفه