قصيدة من دونك الليل صاير موحش ولا يطاق

كلمات قصيدة من دونك الليل صاير موحش ولا يطاق من كلمات : عمران الزراقي

من دونك الليل صاير موحش ولا يطاق

%d9%82%d8%b5%d9%8a%d8%af%d8%a9-%d9%85%d9%86-%d8%af%d9%88%d9%86%d9%83-%d8%a7%d9%84%d9%84%d9%8a%d9%84-%d8%b5%d8%a7%d9%8a%d8%b1-%d9%85%d9%88%d8%ad%d8%b4-%d9%88%d9%84%d8%a7-%d9%8a%d8%b7%d8%a7%d9%82

 

من دونك الليل صاير موحش ولا يطاق
والعمر دونك هموم وضيق صدر وعنا

لا عاد يوم الرحيل ولا نهار الفراق
اللي تجنا علينا بالفراق وجنا

مدري وش اللي حصل فالكون بعدك وضاق
وأصبح مثل عيد الاضحى في مشاعر منى

أبيك وأحن لك من دافع الاشتياق
مثل حنين الكبير اللي فقد له ضنا

ياشيخة الزين ياذات القوام الدقاق
خصرك لو يهب ذعذاع النسيم انثنا

والردف مابينه وبين العباية وفاق
مهما العباية وسيعة باين المنحنى

والوجه نور ٍ يخلي الليل صبحٍ حقاق
ياحي ذاك القبال اللي لنوره سنا

واللي تمرين من حوله وقلبه رقاق
عز الله إنه بعد شوفتك موته دنا

من يوم غبتي وأنا مع فرحتي في سباق
ولا عرفت الفرح ولا عرفت الهنا
متى المواصل يعود لنقطة الانطلاق
اداري تعبنا من ايام الهجر كلنا

الحلم فالوصل مل من انتظار العناق
إلين الوصال من السنين انحنا

تعالي اخذيني من الضيق والاختناق
من حولي الناس لكن عنك مالي غنا

نبغى وطن مابه اهل الكذب والاختلاق
ولا فيه عذال تسعى بالقطيعه لنا

هنا ماغير النميمة والحسد والنفاق
ماينفع نحب وسط العالم اللي هنا

ودي نهاجر سوى خارج حدود النطاق
مكان مافيه غير الحب وانتي وأنا

 

 

 

قصيدة من دونك الليل

عمران الزراقي

قد يعجبك ايضا