قصيدة ماعاد تعرف صاحبك من عدوك

كلمات القصيدة :

 

ماعاد تعرف صاحبك من عدوك
,,, ناسٍ تحب وتكره بدون سبه

عجزت لأعرف يابن الاجواد جوك
,,, اللي مدحته أمس توك تسبه

ماهو بحق اللي ع جال ضوك
,,, ووش خانة الدنيا بليا محبه

ماني بقايلك ياليت ويالوك
,,, مثلك ينبه بالخطا ماينبه

لو مافرق عندي وطاك وعلوك
,,, اللي على ذيل المطيه نذبه

الظلم عندك تقل فيه تسوك
,,, من مايخاف الظلم ماخاف ربه

ماني مخايل برق جودك ونوك
,,, ولامدور وين يمة مصبه

لكن لاتظلم حصادك بسوك
,,, ومن ريع بقعاء تكسفك بس هبه

توك على تصنيف الاجواد توك
,,, نوب الخطا سجدة سهو ماتجبه

ماعاد يملأ عين حضرة سموك
,,, الا التراب وطبعك الشين كبه

 

 

[box type=”info” align=”” class=”” width=””]كلمات الشاعر : سعد بن ملفي الرشيدي[/box]

كلمات قصيدة ماعاد تعرف صاحبك من عدوك

قد يعجبك ايضا