كلمات الناس ماخلقت حواليك ترضيك , قصيدة الناس ماخلقت حواليك ترضيك كلمات مكتوبة للشاعر عكاش الذيابي العتيبي

الناس ماخلقت حواليك ترضيك

الناس ماخلقت حواليك ترضيك
… مثلك مقادير الولي تعترضها

اخير لك لاتندفع في هقاويك
… تلمس الاعذار ولا افترضها

مافيه شي الا ليا راد واليك
… ولا فيه صعبه كان ربك فرضها

اللي ماتقسم ماتجي في مراميك
… لو كان تلحم بندقك وتحفظها

ورمي الركاده غير رمي التماتيك
… والفرق في هذي وهذي غرضها

اكحل عدوك من سعادة مصافيك
… ولا يشغلك غيب القلوب ومرضها

يظهر صديقك ويتبين معاديك
… وكذا الحياة بما تلاقيك خضها

وسع مفاهيمك وجود مباديك
… وكرامتك عن مايشوب انتهضها

دايم جناحين المعزه تعليك
… بالك لحاجات النفوس تخفضها

الا الوفا خل الوفى في مساعيك
… عملة رجال اتعدها وتحفظها

ياصاحبي في وقفتك كيف اجازيك
… وانا أدري انك ماتدور عوضها

مايجعل الاحرار مثل المماليك
… الا معاريف الرجال ببعضها