استغفر الله كثر مابار في الرفيق – قصيدة طعون الزمان – كلمات سعد المشعبي

قصيدة طعون الزمان كلمات الشاعر سعد المشعبي ، يستاسع الصدر لطعون الزمان ويضيق كلمات القصيدة شعر شعبي حزين

قصيدة طعون الزمان

قصيدة طعون الزمان كلمات القصيده
الشاعر سعد المشعبي

كلمات القصيده :

استغفر الله كثر مابار في الرفيق
واستغفر الله كثر مصبر على زلته

البارحه والطواري بين صلف ورقيق
مدري وش اللي خذت مني ووش خلته

افيق واغيب ثم اغيب وارجع افيق
على صدى صوت جرحٍ علته علته

كم من رفيقٍ تعذر عقب طال الطريق
رجليه كلت ورجلي معه ما كلته

يستاسع الصدر لطعون الزمان ويضيق
لاجاه مشروهٍ اثقل منكبه شلته

شرهة رفيقي عليه كبر هضبة طويق
لو كان شرهاتي بعينه كبر دلته

استغفر الله كثر مابار في الرفيق
واستغفر الله كثر مصبر على زلته

البارحه والطواري بين صلف ورقيق
مدري وش اللي خذت مني ووش خلته

متى على الله ليا غاب السواد استفيق
على بياضٍ غدت رجواي في طلته

الله يجيبه كثر مابار في الرفيق
والله يجيبه كثر ما أصبر على زلته

 

قصيدة / طعون الزمان
كلمات / سعد المشعبي

شعر استغفر الله كثر مابار في الرفيق

قد يعجبك ايضا