ابيات شعر قصيرة مكتوبة ، كلمات آبيات شعرية قصيره وقوية منوعة ، قصائد شعر قصيرة مكتوبه

ابيات شعر قصيرة

 

العطايا والهدايا من قدر مهديها

والرجال اللي تواخذني ولاواخذها

 

كان تفرح يوم تاخذها ولاتعطيها

حنا نفرح يوم نعطيها ولاناخذها

 

[divider][/divider]

 

الردي لو كان ابن عمي وأخوي

ما يمثل غير نفسه في رداه

والكفو لو كان ماهو ولد ابوي

يا عسى تبطي على الدنيا سماه

 

[divider][/divider]

 

على مطانيخ النشاما تعرّف

دروع صدر اللي من الوقت هايب

واهل الردى في عرفهم لا تشرّف

حتى ولو هم في حدود القرايب

 

[divider][/divider]

 

رجلٍ يموت وذكر طاريه ما مات

تضرب به الامثال حتى بوفاته

ورجلٍ حياته نقص بعداد الاموات

يجوز موته خير له من حياته

 

[divider][/divider]

 

يالله تغنيني عن الناس الضعاف

اللي ليا منهم عطوني يسخـــرون

واسألك تسترني بسترك والعفاف

ولاتـوجهـنــي علـئ المتــكبــرون

ومن الكرم فصّلت لعيوبـي لحــاف

لان النــشــاما بالكـرم يتـسـتـرون

واجعل ثقالي عند خلّانـي خفاف

ورفعت جاهي عند حمران العيون

 

[divider][/divider]

 

احذر تجي في مجلس القيل والقال

حتى لو انه مجلس اقرب قرايبك

مابه طراه ولابه ادقاق و اجلال

ياكود علم(ن) لا نقلته يعيبك

 

[divider][/divider]

 

ياللي تدّور في قفانا عذاريب

عمر الردي على الردى ماحدانا

لاصرت ماتقدر تنافس على الطيب

مهوب عيبٍ منك تمشي ورانا

 

[divider][/divider]

 

الأ يا عديم المرجله والصخاء والجود

ترى العيب لا من صور الرجل ضيفانه

يرى النقص في نفسه يحاول يدور زود

عسى الصوره اللي تلتقط ترفع بشانه

 

[divider][/divider]

 

يا باغي الـجنه ترى فـيه اشتراط

تدخل لها بالشرط كان الله قبله

مايدفع ابن آدم على متن الصراط

الا الصلاة اللـي تـقـدّم بـ عـمـله

 

[divider][/divider]

 

قــم لاعـدمتك صـل ركعات الـوتـر

وياطيب حظك صـدق لـو صليتها

قافيك بكـره قبـر مـتـريـن بـمـتـر

مـوتـتـك امـا جـتــك والا جـيـتـها

 

[divider][/divider]

 

بئس الصديق اللي لياجيت ناصيه

كثر معاذيره وعدد ظروفه

مثل الثَعل عُود الثمامه يتقيه

والله لااريده ولااريد شوفه

جعله فدا اللي كلما ضاقت اجيه

وتندا من الجودات راحت كفوفه

نمرٍ سلاح إإيدّي مخالب ايديه

وارقد ( وأمن ) لو الديار محيوفه

 

[divider][/divider]

 

ان جاتك الطعنه من يدين الانذال

لا تلتفت فيها ولو كنت مقدام

اكبر دليل انك من عيال الابطال

الطعنه خلافك و لا زلتْ قدّام

وان عذربو فعلك هل القيل والقال

اللي مراجلهم من اضغاث الاحلام

لا تلتفت فيهم ولا تشغل البال

من حر ما فيهم يعضون الابهام

 

[divider][/divider]

 

ماجابته سـود الليـالي غـدتـبه

حـتى الرفيق ان طاب مره تغير

الهـقـوه انـه فـوق والـيـا قـربتـه

عود سوات الكذب حبله اقصير