يامؤمن الريفي كلمات محمد بن فطيس
قصيدة يامؤمن الريفي كلمات الشيلة كاملة مكتوبة للشاعر محمد بن فطيس المري, وقد قام العديد من المنشدين بعملها شله ومنهم المبدع فلاح المسردي و ظافر الحبابي وكانت الشيلة بأسم “دكتور العيون” هنا نقدم لكم نص القصيدة الكامل والشيلة كصوت وفيديو , وقد يتسأل البعض من هو “مؤمن الريفي” ؟ هو دكتور استشاري جراحة عيون وله عيادة في مدينة الخبر في السعودية .
كلمات يامؤمن الريفي
قصيدة يامؤمن الريفي
يامؤمن الريفي انا جيتك زبون
جيتك على مدح اكثر الناس وعنيت
جيت وتعالى الله عمّا يشركون
لولاه يا مؤمن لطبك ما اهتديت
راضي بحكم الله علي مهما يكون
عالج عيوني لو بعد طبك عميت
ودي اخاشر فالبصر من يبصرون
واشوف دربي لا سرحت ولا ضويت
والى قنصت اثبت مع اللي يثبتون
واشوف طيري كل ما اوميت ودعيت
يا اكثر ما يضرب خويي الطابلون
من كثر ما اكلّته مطبات وكليت
وودي اشوف اللي علي يعرضون
وبعض الليالي ودي اسري دون ليت
واشوف ناس ٍ فالقفى ما يرحمون
اما وقفت لصاحبي والا مشيت
من دون نظاره ولا هم يحزنون
يا كثر ما كسرت كشمات وشريت
لكن يا دكتور جعلك ما تهون
ابغيك كلمت راس دامك ما بديت
اسمع ولا ابغي اللي وزانك يسمعون
ربي كتب يكشف لك اسراري وجيت
صورة عديل الروح عندك فالعيون
واخاف تقطعها بموسك ما وعيت
ولا عليك امر اطوها تحت الجفون
وعقبه لو تقطع عيوني ما شكيت
هي راس مالي والعرب ما يدركون
اني على باب الممات وما حكيت
ياقو قلبي يوم قفن الضعون
اللي على ذاك الموادع ما بكيت
ويا صبر صبري والعواذل يحسبون
اني دلهت من الهوى والا سليت
اسكت عساهم من سكاتي يسكتون
وانا عن اللي في ضميري ما انتهيت
وادور الفرحه مع اللي يسهرون
وان ذكروني خذت فنجال وسريت
اخذت من وقتك يا دكتور العيون
عالج عيوني لو بعد طبك عميت
واستر علي واللي معك لا يفطنون
انت الوحيد اللي بعد ربي دريت
يامؤمن الريفي انا جيتك زبون
جيتك على مدح اكثر الناس وعنيت
جيت وتعالى الله عمّا يشركون
لولاه يامؤمن لطبك ما اهتديت
راضي بحكم الله علي مهما يكون
عالج عيوني لو بعد طبك عميت
شيلة يامؤمن الريفي
(دكتور العيون)
https://www.youtube.com/watch?v=tYuxqb2jX2E