كلمات شيلة يا معشر اللي على ضو القمر ساهرين | مدغم ابو شيبه

كلمات شيلة يا معشر اللي على ضو القمر ساهرين | مدغم ابو شيبه ، يامعشر اللي على ضو القمر ساهرين ،  مدغم ابو شيبه 

%d9%83%d9%84%d9%85%d8%a7%d8%aa-%d8%b4%d9%8a%d9%84%d8%a9-%d9%8a%d8%a7-%d9%85%d8%b9%d8%b4%d8%b1-%d8%a7%d9%84%d9%84%d9%8a-%d8%b9%d9%84%d9%89-%d8%b6%d9%88-%d8%a7%d9%84%d9%82%d9%85%d8%b1-%d8%b3%d8%a7%d9%87

 

يامعشر اللي على ضو القمر ساهرين
مامرّكم عود موزٍ في علوّه ثمر
الحب مثل العباده و أنفس المؤمنين
أشرّها مانفر وآخيرها ما أستمر
ياليت روحي على روحك تذوب وتلين
وأنا اتكوّن سحابه وأنهمر وأنهمر

وأمر جيدك وسلسالك وأمر الثنين
اللي يمين الممر واللي يسار الممر
قطعة حلاوة على هيئة فناجيل صين
امذوبتهن حرارة شوق مدري جمر
بقى من اللي خذيته قلب بين اصبعين
وان قلت هاته من عيوني وتامر امر

وان قلت لي موقعي من عالم الحسن وين
بعد الثلاثين كان الله عطاني عمر
اقول مزيون وأشباهك ماهيب أربعين
أشباهك اثنين يا اما شمس والا قمر
يكفي بأنك ظبي ياخذ من الصقر عين
ومن الذلول العمانيه هيام وضمر

ومعنقك شبر فوق متونك وقفلتين
و يديك منجم ذهب و شفاك حانة خمر
مدري وش اللي خذا الله منك وأعطاك زين
ما لا عطا فارعات الطول بيض وسمر
ماشفت هالوردتين وشفت هالجمرتين
لهن ثلاثين عام ولايزالن حمر

اداء : خالد الدوسري

كلمات: مدغم ابو شيبه