كلمات شيلة وصلك المنتهي | الشيلات

كلمات شيلة وصلك المنتهي | الشيلات

- ‎فيكلمات شيلات

كلمات شيلة وصلك المنتهي | الشيلات ،لجد يعاتبني على بيعة الجيب ،الشيلات

وصلك, كلمات, شيلة, المنتهي, الشيلات

لجد يعاتبني على بيعة الجيب
بعته وانا في كل الاحوال راضي
ما ارخصته الا دون حرش العراقيب
ماهوب من دون الفلل والاراضي

خلوني اسلى في هوى شمخ النيف
وانتم تسلوا في المجال الرياضي
يغنيني الله عن فزعة الاصاحيب
اللي لهم بالطيب حاضر وماضي

أحتاجهم في لازمات المواجيب
ماهوب في جيبي ومخباي فاضي
وان قالها الله عالم السر والغيب
ولا على حكم الاله اعتراضي

لا بد ما تصفي عقود المشاريب
ويبين من عقب السواد البياضي
الرجل يركض مثل ما يركض الذيب
يصير عند أهل الحياة انتهاضي

لا ينسدح مثل البنات الرعابيب
ويربض سواة اللي تحب الرباضي
ومن لا تعلمه العبر والتجاريب
سود الليال اللي طوال عراضي

ماعاد تنفع فيه خضر المشاعيب
القلب غافل والضمير متغاضي