كلمات حرقة الوجد – فيصل المداريه

كلمات حرقة الوجد كلمات الشيلة مكتوبة من أداء المنشد فيصل المداريه كلمات الشاعر مدغم ابو شيبه

كلمات حرقة الوجد

كلمات حرقة الوجد - فيصل المداريه
صور فيصل المداريه

الكلمات:

ياوجود اللي عيونه شقاويه
مرها حلو المنام وتعداها

كن بين جفونها جمرة ٍ حيه
مايطفيها سهرها ولا ماها

بيّته ليل الشتا فابو حدريه
واتحداه وحد نفسه على اقصاها

مشكله بعض الصدور الجنوبيه
لو تجيها دمعةٍ الطير تملاها

العوامل والظروف الطبيعيه
غيرت مجرا زمنها وجراها

ياوجودي اللي عشق له فلانيه
في صلات الرحم ماهوب وياها

من تحبه لو تحبّه على النيّه
برّكت بأقصى ضلوعه مطاياها

ذوقتني هجرها ثاني ضحيّه
واصطلت روحي على حر فرقاها

طيرت من غصن الاشواق قمريه
ورهنتني في هواها ولاماها

حايلٍ من دونها حول وشوّيه
مير مالله حايٍل دون ذكرها

كل حاجه باقيه مثل ماهيّه
ماسرا معها على درب مسراها

البعض يشاهد :  كلمات شيلة هاي هاي | خالد الشلية

كود عضوٍ في جهتي الشماليّه
فاع من عوج الحنايا وخاواها

ودمعةٍ نطحتها راحة ايديّه
أف ياماحرّها و أح مقساها

حوّلتها يوم قالت وداعيّه
واستباحت سترها فوق ماطاها

حيلتي لآهبت النود عصريه
قمت مع كل الجهات اتحراها

وأمست الفرحه يتيمه ومنسيّه
في عيوني حرقة الوجد تصلاها

عن خدينات الترف نفسي امعيّه
لو تجيني مثلها كنها أياها

من غدت منه الذلول العمانيه
ماتعوضه ناقة الله وسقياها

دكت ضيوف المعازيب رجليّه
مابقى الآ ضيفةٍ فوق مركاها

سيرة ٍ من وحي عامين هجريه
ودّي أنساها ولا ودّي أنساها

المعالم والرسوم الطلاليّه
مايحفظ أمجادها الا بقاياها

ذكرياتٍ تعبر العمر طرقيّه
وذكرياتٍ في وطنها ومرباها

وصورة ٍ في متحف البال مطويه
كل يوم أفلها وأتهجاها

من لها قدر أولويّه واهميّه
ماشعرت بغربة الروح لولاها

البعض يشاهد :  كلمات شيلة هزني بالحشا | على الحزمي

والذي نفسي بيده انها ليّه
أقرب من كفوفها عند حناياها

لو جفتني والعيون الشقاويّه
مرّها حلو المنام وتعداها

 

 

كلمات : مدغم ابو شيبه
اداء : فيصل المداريه
هندسه صوتيه : عبدالرحمن الشهري
 

تقييم المادة

الكلمات

تقييم المستخدمون: 5 ( 1 أصوات)