رد الثنى واجب وناديت كتاب

عليه خط القاف منى وانا اجيب

طرا علي وكل شيء له اسباب

اسمع مني ما اقول واكتب بترتيب

نبي نسير صوب وسامة الباب

على هلا نقلط وعدة تراحيب

عاداتهم قولة هلا قدم الأجناب

لرجالهم بالطيب عدة مقاضيب

بمجالس فيها ازرق العود ينساب

غير القزاز اللي بهن ريحة الطيب

ودلال مامن دونهن يغلق الباب

يشرى له الهيل الخضر دون تحسيب

غير الحليب اللي يقدم بالأكواب

اليا جيتهم من غالي السوق لك جيب

مورثين الطيب شيبه للأشباب

ولاينجحد شي مضله تجاريب

اليا جيت واحدهم تقل عمل قصاب

خلاف بيته تقل مذبح قصاصيب

وصياني فوقه من الأكل ماطاب

لو هي بدين يكملون المواجيب

هل البيوت اللي تكرب بالأطناب

واللي تحضروا ماتخلوا عن الطيب

هذي جزاء مني لعريبين الأنساب

ماقلتها زيف ولا هي تكاذيب

وارج السموحه يا كريمين الأشناب

خيره بغيره كان به نقص تعريب

كملتهن خمسة عشر بيت بحساب

وصفيتهن مثل العسل للشراريب

وصلاة ربي للنبي هو والأصحاب

بعداد ماتدبح نجوم مغاريب