قصائد غزلية مختارة , شعر غزل جديد

أجمل القصائد الغزلية المختارة الجديدة نقدمها لكم في مقالنا التالي وهي قصائد جديدة وغير معروفة وتحمل كلمات غزل وعشق وحب مكتوبة في مجال شعر الغزل فلا بد من التغزل في الحبيبة مقالنا بعنوان

قصائد غزلية مختارة

قصائد غزلية مختارة

قصيدة ابنتظر

ابنتظر مطلع نهار
مهما يطول الانتظار
دامي على حبك أغار
مالي على الصبر اختيار

ابتبع أدروبك وأمر
لو عمري أيامه تمر
لو حتى ما يبقى عمر
ابنتظر مطلع نهار

اللي من اعماقه يحب
لو هو شقى لو هو تعب
يطاوع اشواقه غصب
ماله على احساسه قرار

لو حاول بينسى هواه
واقفى وترك عشقه وراه
لابد ماتخونه خطاه
ويرجع أسير الانتظار

يا ساكن اعماقي أبيك
بالله غيرني عليك
إن كان مالي حظ فيك
محبتك والشوق نار

انت بحياتي كل شي
وانت بنظير العين ضي
بالله لا تبخل علي
يازين في مطلع نهار

البعض يشاهد :  شعر حب وغزل مكتوب

هز اتصالك

هز اتصالك فيني الشوق وانهار
قلبي وزادت حيرتي والتياعي

بين الفرح والخوف والشوق والنار
ياغاليه زاد العنا والصراعي

تلعب بي امواج الهواجيس واحتار
مابين شوقي لك وبين الضياعي

موجة حنين تزيدني حب واصرار
وموجات عن شاطيك تبعد شراعي

ياحبي الخافي ويا كل الاسرار
تحطمت نفسي ولا من يراعي

إلى ضحك الليالي بالانوار
جتنا عواكيس الزمن بندفاعي

مدري وش اللي بس تخفيه الاقدار
هو لم شمل أوهو فراق وضياعي

بين الرجا والياس قاسيت الأمرار
أكثر من اللي كان في مستطاعي

 

ارحل بفكرك

ارحل بفكرك لو دقايق تذكر
كل الوجيه اللي تحبك وتغليك

تلقاني اكثر شخص وجهه تكرر
ماخان في حبك ولا مل طاريك

اغليك فوق اللي تظن وتصور
لا يبعدك بالحيل عني تغليك

اخاف ياسي من لقاك يتطور
واتعب ورى طرد السراب برجاويك

يمل قلبي صدتك ويتغير
وتفقد غلاك بخاطري والرجا فيك

دامك بقلبي لك شموع تنور
لاتطفي احساس الموده بياديك

يطري عليك بوقت مني تعذر
واقول ذكرانا عن العذر تكفيك

البعض يشاهد :  شعر عن الصديق ابيات شعر عن الاصدقاء

اسرق النظرة

أسرق النظره وابادله النظر
واحترس من شر حساد العيون

أدري انك بينهم مثل القمر
ومن تبسم لك تطارده الظنون

ياحبيبٍ شوفتك خوف وحذر
وش يسوي من يحبك في جنون

إن كتمت الشوق في قلبي قهر
وان تبين حبك الناس حسدون

 

انا مدري

أنا مدري أنا المخطي أو أنت اللي علي أخطيتي
انا صارحتك بحب أبيك تحن أبي تدري

ربيع العمر يالغالي أنا ماجا على بالي
تضايق من حقيقة خافي احساسي ومن سري

أنا لوكنت اعرف أنك تبي تبعد وتنساني
تركت السر في قلبي توقد ناره بصدري

أنا بيدي عميت عيوني اللي تسعد بشوفكي
وأنا بيدي ذبحت افراح نفسي بك وانا مدري

كتبت العذر من دمعي لعلك تقبله مني
وتنهي هجرك اللي طال يالغالي على عمري

البعض يشاهد :  جديد قصائد الحب قصيدة حب

انت الربيع

انت الربيع وروض الازهار والسيل
بارضٍ تعدى وسمها ماسقاها

تنظرك عيني وابتهج وإن بدا الليل
شفتك قمر يطرد ظلامٍ وطاها

أوقد غضا واسمر معك بالتعاليل
والصبح تاخذني عيونك وراها

أيام ماتنسى بذيك المداهيل
تحت النفود وبين غالي غضاها

أيام تروي شف وتجدد الحيل
وتداوي اللي به جروحٍ شكاها

الله يعيده بالليال المقابيل
يازين نسيان الجروح وشقاها

التقييم العام

تقييم المستخدمون: 4.45 ( 1 أصوات)